Search

ፍርድ ቤቱ ጌታቸው አሰፋን ጨምሮ 4 ተከሳሾች በሌሉበት የክርክር ሂደቱ እንዲከናወን ትዕዛዝ ሰጠ


17/7/2019

ችሎቱ ለ ሀምሌ 9/2011 ዓ.ም የተቀጠረው 1ኛ ተከሳሽ ጌታቸው አሰፋ፣ 9ኛ ተከሳሽ አፅብሐ ግደይ፣ 11ኛ ተከሳሽ አሰፋ በላይ እንዲሁም 12ኛ ተከሳሽ ሽሻይ ልዑል በተደረገላቸው የጋዜጣ ጥሪ መሰረት መቅረብ አለመቅረባቸውን ለመጠባበቅና ዐቃቤ ሕግ አሻሽሎ የሚያቀርበውን የምስክሮች ጥበቃ ማመልከቻ ለመጠባበቅ ነው፡፡

 

ጌታቸው አሰፋን ጨምሮ 4 ተከሳሾች በአዲስ ዘመን ጋዜጣ ጥሪው የተደረገላቸው ቢሆንም ፍርድ ቤት አለመቅረባቸውን ከችሎቱ ለመረዳት ተችሏል፡፡

 

ዐቃቤ ሕግ በበኩሉ በምስክሮች ጥበቃ አዋጅ ቁጥር 699/2003 አንቀፅ 4 (1) ሸ እና በ መሰረት ለ29 ምስክሮች ጥበቃ እንዲደረግ ያቀረበውን ማመልከቻ ችሎቱ በአንቀፅ 6/2/ መሰረት እንዳሻሽል ትዕዛዝ ቢሰጠኝም በአዋጁ አንቀፅ 6 መሰረት ለጥበቃ የሚቀርቡ ማመልከቻዎች በአዋጁ አንቀፅ 7 መሰረት መወሰን የሚገባው በፍትህ ሚኒስተሩ በአሁኑ አጠራር በጠቅላይ ዐቃቤ ሕጉ በመሆኑና ፍርድ ቤቱ ባለው አንቀፅ መሰረት ተሻሽሎ ይቅረብ ቢባል የፍርድ ቤት መረጃዎች ለህዝብ ግልፅ በመሆናቸው ለምስክሮቸ ደህንነት ስጋት ስለሆነ በተጠቀሰው አንቀፅ መሰረት የጥበቃ ማመልከቻውን አሻሽሎ ለማቅረብ የተቸገረ መሆኑን በችሎት ወቅት ከነበረው ክርክርና ከዐቃቤ ህግ ማመልከቻ ለመረዳት ተችሏል፡፡

 

በሌላ በኩል የተከሳሽ ጠበቆች በተከሳሾች ላይ ለመመስከር በዐቃቤ ሕግ የቀረቡት ጥበቃ ምስክሮች በርካታ በመሆናቸው የትኛው ምስክር በየትኛው ተከሳሽ እንዲሁም በየትኛው የክስ አይነት እንደሚመሰክር ግልፅ ባለመሆኑ የተከሳሾችን መብት የሚጋፋ ስለሆነ ዐቃቤ ሕግ በግልፅ እንዲያስቀምጥ ፍርድ ቤቱ ትዕዛዝ እንዲሰጥላቸው ጠይቀዋል፡፡

 

የፌዴራሉ ከፍተኛ ፍርድ ቤት ልደታ ምድብ 1ኛ የወንጀል ችሎት ሀምሌ 9/2011 ዓ.ም ባስቻለው ችሎት በጋዜጣ ጥሪ ተላልፎላቸው ፍርድ ቤት ያልቀረቡ ተከሳሾች የተከሰሱበት ወንጀል ከ12 ዓመት በላይ የሚያስቀጣቸው በመሆኑ በሌሉበት የክርክር ሂደቱ እንዲከናወን ትዕዛዝ ሰጥቷል፡፡

 

ዐቃቤ ሕግ በማስረጃነት ያቀረባቸው ምስክሮች 160 በመሆናቸው በቅደም ተከተል የትኛው ምስክር ለየትኛው ተከሳሽ በየትኛው ክስ ላይ ይመሰክራል የሚለውን የምስክር ሂደቱ ከመሰማቱ በፊት እንዲያቀርብ እንዲሁም ከምስክሮች ጥበቃ ጋር በተያያዘ ማመልከቻውን እንዲያሻሽል ቢታዘዝም ለማሻሻል የተቸገረ መሆኑን በመግለፁ ነገር ግን ጥበቃ እንዲደረግላቸው የሚፈለጉት ምስክሮች በፍርድ ቤቱ በግልፅነት የሚቀርብ ሳይሆን ለዳኞች እንዲቀርብ ነው ያዘዝነው እስካሁን ጥበቃ ያደረግንለት ምስክር የለም በማለት ዐቃቤ ሕግ በምስክሮች ጥበቃ ማመልከቻ ላይ ይግባኝ ማለት እንደሚችል ፍርድ ቤቱ ትዕዛዝ ሰጥቷል፡፡


  • 66255751_2347151348712269_7327474743987142656_n.jpg