Search

ሶስቱ ተቋማት ሙስናን ለመከላከልና ለመዋጋት የሚያስችላቸዉን የመግባቢያ ሰነድ ተፈራረሙ


19/8/2019

የኢፌዴሪ ጠቅላይ ዐቃቤ ሕግ፣የፌደራል የስነ-ምግባርና ፀረ-ሙስና ኮሚሽን እንዲሁም የፌዴራል ፖሊስ ኮሚሽን፣ ሙስናና ብልሹ አሰራሮችን በጋራ ለመከላከልና ለመዋጋት የሚያስችላቸዉን ስምምነት በዛሬዉ እለት ተፈራርመዋል፡፡

 

በሶስቱም ተቋማት መካከል የተፈረመዉ ሰነድ ርስ በርስ በመደጋገፍ ሙስናና ብልሹ አሰራርን ለመዋጋት እንዲያስችላቸዉና፣ ከዚህ ቀደም የነበረዉን ተደጋግፎ የመስራት ልምድ ወደላቀ ደረጃ በማድረስ አሰራሩን ከፍታ እንዲኖረዉ ለማድረግ ብሎም የጋራ ስራ በሀገር ደረጃ የሚከናወነዉን የዲሞክራሲና የመልካም አስተዳደር ስራዎች ዉጤታማ በማድረጉ ረገድ ከፍተኛ ሚና እንዳለዉ በማመን በትብብርየሚሰሩበትን አቅጣጫ ለማመላከት ታስቦ የስምምነት ሰነዱ መዘጋጀቱ በፊርማዉ ወቅት ተገልጧል፡፡

 

የመግባቢያ ሰነዱን የኢፌዲሪ ጠቅላይ ዐቃቤ ህግ ምክትል ጠቅላይ ዐቃቤ ህግ ዶክተር ጌዲዮን ጢሞቲዎስ፣ የስነ-ምግባርና ፀረ-ሙስና ኮሚሽን ኮሚሽነር አቶ አየልሽ ሙሉአለም ፣ የፌደራል ፖሊስ ምክትል ኮሚሽነር አቶ ተኮላ አይፎክሩ የተፈራረሙ ሲሆን ሀላፊዎቹ ወደፊት በትግበራዉ ወቅት በሚኖሩት የጋራ ስራዎች አስመልክቶ መልእክት አስተላልፈዋል፡፡

 

ምክትል ጠቅላይ ዐቃቤ ህጉ ዶክተር ጌዲዮን ጢሞቲዎስ ባስተላለፉት መልእክትም የመግባቢያ ሰነዱ እነዚህ ሶስት ተቋማት በህግ በተሰጣቸዉ ስልጣንና ሀላፊነት በመጠቀም የሚደረጉ ስርቆትና መሰል ብልሹ አሰራሮችን ለመከላከልና ለመዋጋት ተባብረዉ የድርሻቸዉን በመወጣት የበለጠ ዉጤታማ እንዲሆኑና እስከ ዛሬ የነበረዉን አሰራር ወደ ተቋማዊ ቅርፅ በማምጣት የተሻለ ስራ ለመስራት እንደሚያግዝ እናምናለን ያሉ ሲሆን፣ በጠቅላይ ዐቃቤ ህግ በኩልም ለሰነዱ ተግባራዊነት የተሻለ ጥረት እንደሚደረግ ገልፀዋል፡፡


  • 68601058_2413650078729062_7909427372187713536_o.jpg 
  • 69464024_2413649885395748_7322776483557015552_o.jpg