Search

ህብረተሰቡ ሕግን በማክበር የዜግነት ግዴታውን ሊወጣ እንደሚገባ ጥሪ ቀረበ


27/8/2019

የጠቅላይ ዐቃቤ ሕግ ልደታ ምድብ ጽ/ቤት እና የክፍለ ከተማው ፖሊስ መምሪያ ከልደታ ክፍለ ከተማ ነዋሪዎች ጋር በጋራ በመሆን “እኔ ለሕግ ተገዥ ነኝ” በሚል መሪ ቃል የፍትህ ወርን አስመልክቶ ውይይት አደረጉ፡፡

 

የጠቅላይ ዐቃቤ ሕግ ልደታ ምድብ ጽ/ቤት ምክትል ኃላፊ ወ/ሮ ፂዎን ሽፈራው በውይይት መድረኩ የፍትህ ዘርፉ እስከ ለውጡ ዋዜማ የነበረው ሁኔታ በህዝቡ ዘንድ አመኔታ ያገኙ የፍትህ ተቋማት አለመኖራቸው፣ የዲሞክራሲ ምህዳር መጥበብና ሰብዓዊ ክብርን የሚጥሱ ድርጊቶች መፈጸማቸውን ጠቁመው ጠቅላይ ሚኒስትር ዶ/ር አብይ ዐህመድ ወደ ሥልጣን ከመጡ በኃላ በፍትህና በዲሞክራሲ ዘርፍ መሰረታዊ ለውጥ መጥቷል ብለዋል፡፡

 

ኃላፊዋ አያይዘውም የሕግ የበላይነትን በማረጋገጥ፣ የባለድርሻ አካላትና የህዝብ ተሳፎ በማጠናከር እንዲሁም የለውጥ ስራውን ተቋማዊ በማድረግ የዲሞክራሲ ምህዳሩን ለማስፋት በምህረት አዋጅ መሰረት በሀገር አቀፍ ደረጃ 45,531 የሕግ ታራሚዎች ከእስር መፈታታቸው የለውጡ መገለጫ መሆኑን ተናግረዋል፡፡

 

የልደታ ክፍለ ከተማ ፖሊስ መምሪያ ኃላፊ ኮማንደር ወ/ሰማያት ተሰማ በበኩላቸው የ2011 በጀት ዓመት የስራ አፈፃፀም ሪፖርት ያቀረበ ሲሆን በሪፖርቱ የወንጀል ድርጊቶችን አስቀድሞ በመከላከል፣ የወንጀል መንስኤዎችን ለይቶ በማስወገድ፣ ከ3 ሚሊዮን ብር በላይ የህገ-ውጥ ገንዘብ እና ከ60 ሺህ በላይ ሀሰተኛ የብር ኖቶችን በመያዝ ውጤታማ ስራዎች መሰራታቸውን ጠቁመው የወንጀል ተጠርጣሪዎችን አሳልፎ ከመስጠትና ወንጀልን ከመከላከል ረገድ ህብረተሰቡ በባለቤትነት ከፍትህ ተቋማት ጋር በመሆን በቅንጅት ሊሰራ እንደሚገባ ተናግረዋል፡፡

 

በመጨረሻም የውይይቱ ተሳታፊዎች በፍትህ ሥርዓቱ የተጀመረውን ለውጥ ዳር ለማድረስ በየአካባቢው እየታዩ ያሉ የወንጅል ድርጊቶችን ለመከላከል የፖሊስ አባላት ከምንጊዜውም በላይ ሊሰሩ እንደሚገባ አሳስበው ከፍትህ ተቋማት ጋር በቅንጅት እንደሚሰሩ ቃል የገቡ ሲሆን በመድረኩ ለተነሱ ጥያቄዎች ኃላፊዎች ምላሽ በመስጠት ስብሰባው ተጠናቋል፡፡


  • 69540683_2433977090029694_3582709843984646144_o.jpg