Search

በወንጀል ሕግ ጉዳዮች ላይ የመገናኛ ብዙኃን አዘጋገብ ስርዓትን በተመለከተ ለጋዜጠኞች ስልጠና ተስጠ


2/10/2019

የመድረኩ ዓላማን በተመለከተ ንግግር ያደረጉት በጠቅላይ ዐቃቤ ሕግ የህግ ጥናት፣ ማስረጽ እና ማርቀቅ ዳይሬክቶሬት ዳይሬክተር የሆኑት አቶ በላይሁን ይርጋ እንደተናገሩት ለውጡን ተከትሎ ተቋሙ በፍትህ ስርዓቱ ዙሪያ ከሚዲያዎች ጋር እየተደረገ ያለው የመረጃ ቅብብሎሽ ለማጠናከርና፤ መረጃን ለህብረተሰቡ ተደራሽ ከማድረግ ጋር ተያይዞ ይበልጥ የተጠናከረና ወጥ የሆነ ግንኙነት እንዲኖር በወንጀል ህግ ጉዳዮች ላይ ከአዘጋገብ ሁኔታዎች ጋር ተያይዞ ግንዛቤ ለመፍጠር ስልጠናው መዘጋጀቱን ተናግረዋል፡፡

 

በመድረኩም ሀሳብን በነጻነት የመግለጽ መብትና የመገናኛ ብዙኃን ነጻነት፤ እንዲሁም ሀሳብን በነጻነት የመግለጽ መብት የሚመራባቸው መሰረታዊ የሆኑ አለማቀፋዊ መርሆዎች ላይ፣ መረጃን የማግኝት መብትና በመብቱ ላይ የሚጣሉ ገደቦች ብሎም ገደብ ለማድረግ አግባብነት ያላቸው ተጻራሪ መብቶች ምንምን ናቸው? እንዲሁም በኢትዮጵያ ሕገ-መንግስት ያለው አንድምታ ምን ይመስላል ? መሰረታዊ ተግዳሮቶቹስ ምንድን ናቸው በሚሉ ጉዳዮች ላይ ውይይት እየተደረገ ነው፡፡

 

በተጨማሪም በኢትዮጵያ የሚዲያ አሰራሮች ላይ የሚስተዋሉ ክፍተቶችና ከመገናኛ ብዙኃን ህጎች የመነጩ ችግሮች ምን ምን እንደሆኑ ዝርዝር ሀሳቦች ቀርቦ ውይይት የሚደረግ ሲሆን በሌሎች ተጨማሪ ነጥቦች ላይም በማተኮር መድረኩ እስከ መስከረም 21ቀን 2012 ዓ.ም የሚቀጥል ይሆናል፡፡


  • 71792946_2498072413620161_4680711142216040448_n.jpg 
  • 72326292_2498072536953482_8382810215057195008_n.jpg