Search

የኢትዩጵያ ልዑካን ቡድን በኢንዶኒዥያ የስራ ጉብኚት በማድረግ ላይ ይገኛል


1/10/2019

በኢንዶኒዥያ ዋና ከተማ ጃካሪታ ልምድ ልውውጥ እያደረገ የሚገኙው የኢትዩጵያ ልዕካን ቡድን አባላት የስራ ጉብኚቱ በኢንዲኒዥያ ቆይታቸው የተለያዩ ተቋማትን ልምድ ለመቅሰም ያለመ መሆኑ ታውቋል።

 

በተለይም በሀገረ ኢንዶኒዥያ በከፍተኛ ሁኔታ ሙስናን በመዋጋት በሚታወቀው የኢንዶኒዥያ የሙስና ማጥፊያ ኮሚሽን በነበራቸው ቆይታ በኮሚሽኑ ኮሚሽነር ላኦድ ሲያሪፊ አቀባበል የተደረገላቸው ሲሆን ኮሚሽነሩ ሀገራቸው ሙስናን በመዋጋት ረገድ የጀመረችሁ ጠንካራ አቋም መኖሩን ገልጾ፣ ኢትዩጵያና ኢንዶኒዥያ በህገ ወጥ የገንዘብ ዝውውር እና ሙስናን ለመከላከል በሚኖሩ ተግባራት ላይ በጋራ ለመሰራት ከዚህ ቀደም የነበራቸውን መልካም ተሞክሮዎችና የጋራ ስምምነቶችን መጠቀም ተገቢ መሆኑን ተናግሮ፣ በኢትዩጵያ በኩል የተጀመረው የጸረ ሙስና ትግል፣ በአጠቃላይ የኢኮኖሚና የፖለቲካ ሪፎርም ተጠናክሮ እንድቀጥል ድጋፍ እንደሚያደረጉ ገልጻል፡፡

 

በሌላ በኩል ሉዑካን ቡድኑ የኢንዶኒዥያ ዕምባ ጠባቂ ተቋም የጎበኙ ሲሆን በጉብኘታቸው ወቅት በተቋሙ የበላይ አመራር በፕሮፌሰር አምዙሊሀን እና የሥራ ባለደረቦቻቸው ዝርዝር ገለጻ ተደረጎላችዋል፡፡ በተለይም ተቋሙ በቅሬታ አቀራረብ፣ ቅሬታ የሚሰተናገድበት ሁኔታ እና ከቅሬታ አቀራረብ ጋር በተያያዘ የቴክኖሎጂ ሥርዓቶችን በመጠቀም ረገድ የካበተ ልምድ ስላለዉ የኢትዩጵያ ልዑካን ቡድን ከዚህ ልምድ መወሰድ እንዳለበት ገልጻል፡፡

 

የልዕካን ቡድኑ በክቡር አቶ ብርሃኑ ጸጋዬ የኢፌዲሪ ጠቅላይ ዐቃቤ ሕግ እና በኮሚሽነር አየልኝ ሙሉዓለም የፌደራል የሥነምግባር እና የፀረ-ሙስና ኮሚሽን ኮሚሽነር እየተመራ ይገኛል፡፡


  • 71084999_2500054026755333_4534648770587000832_n.jpg 
  • 71183861_2500054403421962_5450335488856555520_n.jpg