Search

የህገ-ውጥ የስዎች ዝውውርን ለመከላከል የሚረዳ የመረጃ ማውጫ ሰነድ ተዘጋጀ


16/10/2019

በኢፊዴሪ ጠቅላይ ዐቃቤ ሕግ የህገ-ወጥ የሰዎች ዝውውርና በህገ ወጥ መንገድ ድንበር ማሻገር ተከላካይ ግብረ ኃይል ማስተባበሪያ ጽ/ቤት ለህገ-ወጥ የሰዎች ዝውውር ተጎጂዎችና ለተጋላጭ ስደተኞች የአገልግሎት ሰጭ ተቋማትን መረጃ የያዘ መጸሕፍ አዘጋጂቶ ጥቅም ላይ መዋለን ገለጸ፡፡

 

የማስተባበሪያ ጽ/ቤቱ ተወካይ ኃላፊ ወ/ሮ ፈትያ ሰይድ እንደተናገሩት የተዘጋጀው ሰነድ ለህገወጥ የሰዎች ዝውውር ተጎጂዎች፣ ለተጋላጭ ስደተኞች እንዲሁም ከወጭ ሀገር ለሚመጡ የፖለቲካ ስደተኞች አግልግሎት የሚሰጡ ተቋማት ዝርዝር፣ የሚገኙበትን ቦታ፣ የሚሰጡትን አግልግሎት፣ አድራሻ እና ድረ ገጽ በተመለከተ በቀላሉ መረጃ ለማግኘት እንደሚረዳ ጠቁመው የመረጃ ማውጫ ሰነዱን በመጠቀም ተጎጂዎች የሚፈልጉትን አገልግሎት በቀላሉ ለማግኘት ያስችላቸዋል ብለዋል፡፡

 

ኃላፊዎ አያይዘው የመረጃ ማውጫ ሰነዱ መንግስታዊ እና መንግስታዊ ያልሆኑ አለም አቀፍ የበጎ አድራጎት ድረጅቶች እና የሁሉም የክልል ተቋማት ለወንጀል ተጎጂዎች የሚሰጡ አግልግሎቶችን በተቀናጀ መልኩ ለመስጠት፣ ህገ-ወጥ የሰዎች ዝውውርን ለመከላከልና ተጎጂዎች ጉዳት ደርሶባቸው ሲመጡ የጤና፣ የሕግ፣ የምክር፣ የመጠለያ አግልግሎት የት እንደሚያገኙ ለማወቅ የሚረዳ መሆኑን ተናግረዋል፡፡

 

የተዘጋጀው ሰነድ መንግስት የሚሰራውን ስራ የሚያግዝ ሲሆን የመረጃ አገልግሎቱን ተደራሽ ለማድረግ የመረጃ ማውጫ ሰነዱ በሁሉም መንግስታዊ እና መንግስታዊ ባልሆኑ ተቋማት፣ በአየር መንገድ፣ በኢምግሬሽን ተቋም ስለሚቀመጥ ሰነዱን መሰረት በማድረግ ማንኛውም ሰው መረጃ ማግኘት እንደሚቻል ጠቁመው ማህበረሱቡ በህገ-ወጥ የሰዎች ዝውውር ምክንያት እየደረሰ ያለውን ጉዳት በመረዳት ትኩረት ሰጥቶ መስራት እንደሚገበው ተናግረዋል፡፡


  • 72428428_2528308967263172_133822161512038400_o.jpg