Search

የፌዴራል ህጎች ተፈጻሚነት ላይ በታዩ ክፍተቶች የማስተካከያ እርምጃ ለመውሰድ ጥናት ተደረገ


17/10/2019

በኢፌዴሪ ጠቅላይ ዐቃቤ ህግ የፌዴራል ህጎች ተፈጻሚነት መከታተል ዳይሬክቶሬት ዳይሬክተር የሆኑት ወ/ሮ ትብለጽ ቡሽራ እንደተናገሩት የኢፌዴሪ ጠቅላይ ዐቃቤ ህግ በአዋጅ ቁጥር 943/2008 ዓ.ም የፌዴራል ጉዳዮችን እንዲከታተል ስልጣን መሰጠቱን አስታውሰው የፌዴራል ህጎች ተፈጻሚነትን ከመከታተል አኳያ የወጣው ህግ አፈጻጸም ምን ይመስላል፣ የህግ ድንጋጌ አፈጻጸም ችግር ካለበት የመለየት፣ አስፈጻሚ አካላት በተገቢው መንገድ መፈጸማቸውን ማረጋገጥ፣ አስቻይ ህጉን (እናት ህጉን) መሰረት ያላደረገ መመርያና ደንቦችን በመፈተሸ የዜጎችን መብት እንዳይጣስ የማድረግ ተግባር ይከናወናል ብለዋል፡፡

 

በመሆኑም በዳይሬክቶቱ የፌዴራል ህግ ክፍተቶችን መንስኤ በጥናት መለየት የተቻለ መሆኑን ገልጸው በጥናቱ መሰረት ክፍተት በታዩባቸውን መስሪያ ቤቶች እንደመጀመርያ የምክረ ሀሳብ በማቅረብ እንዲያስተካክሉ የማድረግ ስራ የሚሰራ ሲሆን የማያስተካክሉ ካሉ አስፈላጊውን እርመምጃ እንደሚወሰድም ጭምር ገልጸዋል፡፡

 

ዳይሬክተሯ አክለው የህግ ክፍተቶች በተለያዩ አገራት የሚስተዋል ቢሆንም እንደኛ ላሉ አገራት ግን እንደ ሙስናና ሰብዓዊ መብት ጥሰት ለመሳሰሉ ጉዳዮች መንገድ የሚከፍቱ በመሆናቸው ማህበረሰባዊና ሀገራዊ ጉዳታቸው የከፋ እንደሚሆን ገልጸዋል፡፡

 

በመጨረሻም የህግ አፈጻጸም ችግር፣ የመፈጸም ችግር፣ ከእናት ህጉ ጋር የሚቃረን መመሪያና ደንብ ሲያጋጥም ለተቋሙ ጥቆማ በመስጠት በሀገርና በህዝብ ላይ የሚደርሰውን ማህበራዊ፣ ኢኮኖሚያዊና ፖለቲካዊ ቀውስ በመቀነስ ረገድ ማህበረሰቡ የራሱን ሚና እንዲጫወት ጥሪ አስተላልፈዋል፡፡


  • 72884161_2528538020573600_2444633674793091072_n.jpg