Search

ቀልጣፋ የፍትህ አግልግሎት መስጠት የሚያስችሉ ህንጻዎች ግንባታ እየተከናወነ መሆኑ ተገለጸ


18/10/2019

የፍትህ አግልግሎት አሰጣጥ ሥርዓቱን ቀልጣፋ ለማድረግ በሶስት ከፍለ ከተሞች በውሉ መሰርት ከ541 ሚሊዮን ብር በላይ በሆነ ከወጭ የጋራ መገልገያ ህንጻዎች ግንባታ በመከናወን ላይ መሆኑ ተገለጸ፡፡

 

በኢፌዴሪ ጠቅላይ ዐቃቤ ሕግ የፕሮጀክት ማስተባበሪያ ባለሙያ የሆነት አቶ ሳምሶን በላይ እንደተናገሩት የፕሮጀክት ግንባታው እየተከናወነ ያለው በፌዴራል ጠቅላይ ፍርድ ቤት እና በኢፌዴሪ በጠቅላይ ዐቃቤ ሕግ በጋራ መሆኑን አውስተው ተቋማቱ የሚሰጡትን አግልግሎት ተደራሽ ለማድረግ በአዲስ አበባ ከተማ አስተዳደር ከሚገኙ 10 ክፍለ ከተሞች ውስጥ በ4ቱ ህንጻ ተገብቶ ቀልጣፋ አገልግሎት በመስጠት ላይ ሲሆን በአራዳ፣ በአዲስ ከተማ፣ ንፋስ ስልክ ላፍቶ ክፍለ ከተሞች አዲስ የፍትህ አገልግሎት መስጫ ሆኑ የጋራ ህንጻዎች ግንባታ እየተከናወነ መሆኑን ገልጸዋል፡፡

 

ባለሙያው አያይዘው ከአሁን በፊት በከፍተኛ ወጭ ከግለሰቦች ህጻዎችን በመከራየት አግልግሎት በመስ ጠት ላይ የነበረ መሆን ጠቁመው በዚህም መንግስት ለከፍተኛ ውጭ መዳረጉን እና ቀልጣፋ አግልግሎት ከመስጠት ጋር በተያያዘ እንደችግር የሚጠቀስ መሆኑን ተናግረዋል፡፡

 

የፕሮጀክት ማስተባበሪያ ባለሙያው አክለውም የፍትህ አገልግሎት መስጫ የጋራ ህንጻዎች ግንባታ በመንግስት የካፒታል በጀት ድጎማ እየተከናወነ የሚገኝ ሲሆን የፊዚካል ስራው አፈፃፀም አራዳ (96.3. %)፣ አዲስ ከተማ (88%) ንፊስ ስሌክ ሊፌቶ (50%) የደረሰ ሲሆን የአራዳና የአዲስ ከተማ ህንጻዎች እስከ ታህሳስ ወር 2012 ዓ.ም ተጠናቀው ስራ እንደሚጀምሩ ባለሙያው ጠቁመው የኮልፌ ቀራኒዮ እና ጉለሌ ክፍለ ከተማ ህንጻ ግንባታ በቀጣይ እንደሚከናወን ተናግረዋል፡፡


  • 72809999_2539020796191989_7173114787600007168_o.jpg