Search

ህገ ወጥ የሰዎች ዝውውርን ለመከላከል የህዝብ ንቅናቄ ዘመቻ ሊካሄድ መሆኑ ተገለፀ


20/10/2019

በምስራቅ አፍሪካ የመጀመሪያ የሆነው የሰማያዊ ልብ ግንዛቤ መፍጠሪያ ንቅናቄ ከፍተኛ የመንግሰት ባለስልጣናት፣ አለም አቀፍ መንግስታዊና መንግስታዊ ያልሆኑ ድርጅቶች እና 11 ሺህ ዜጎች በተገኙበት በነገው እለት በሚሊኒየም አደራሽ እንደሚካሄድ በዛሬው እለት መግለጫ ተሰጠ፡፡

 

መግለጫውን ለጋዜጠኞች የሰጡት የጠቅላይ ዐቃቤ ሕግ የህዝብ ግንኙነትና ኮሙኒኬሽን ጉዳዮች ዳይሬክቶሬት አቶ ዝናኑ ቱኑ፣ የህገ-ወጥ የሰዎች ዝውውርና በህገ ወጥ መንገድ ድንበር ማሻገር ተከላካይ ግብረ ኃይል ማስተባበሪያ ጽ/ቤት ተወካይ ኃላፊ ወ/ሮ ፈትያ ሰይድ፣ የውጭ ጉዳይ ሚኒስቴር የአለም አቀፍ ድረጅቶች ዳይሬክተር ጀነራል አቶ ባንቲውን ጌታሁን እና የምስራቅ አፍሪካ ተወካይ ዶ/ር አማዶ ሲሆኑ ህገ ወጥ የሰዎች ዝውውር እና በሰዎች የመነገድ ድርጊትን ለመከላከል በህብረተሰቡ ላይ የሚደርሰውን ጫና ለመቀነስ በመካሄድ ላይ የሚገኝ አለመ አቀፍ የግንዛቤ ዘመቻ መሆኑን ተናግረዋል፡፡

 

በተባበሩት መንግስታት ድርጅት የተደራጁ ወንጀሎችና አደንዛዥ ዕፅ ቢሮ የምስራቅ አፍሪካ ተወካይ እንደተናገሩት ሰማያዊ ልብ ተስፋን፣ ሰላምንና ደህንነትን የሚያመለክት ሲሆን የሰማያዊ ልብ ንቅናቄ የህገ ወጥ የሰዎችን ዝውውር ለመከላከል ግንዛቤ መፍጠር አላማ ያደረገ መሆኑን ተናግረው በአለም አቀፍ ደረጃ ወንጀልን ለመከላከል የስችላሉ ተብለው እውቅና የተሰጣቸውን ተግባራትን ማለትም ወንጀልን መከላከል፣ ወንጀለኞችን ለፍርድ ማቅረብ፣ ተጎጂዎችን መንከባከብ እና ቅንጅታዊ አሰራርን ማጎልበት መሰረት በማድረግ የግንዛቤ ማስጨበጫዎችን በመፍጠር መከላከል እንደሚቻል ተናግረዋል፡፡

 

ዶ/ር አማዶ ፊሊፕ አክለው እንደገለጹት ሰዎች ሰማያዊ የልብ ቅርጽ ያለው ምልክት በማድረግ በሰዎች የመነገድ ተግባርና የተጎጂዎች ጉዳይ አለም አቀፍ ተኩረት እንዲያገኝ እድል ያሰጣል ሲሉ ተናግረዋል፡፡


  • 73515760_2543731339054268_7009493773621133312_o.jpg