Search

ቅንጅታዊ አሰራርን በማጠናከር በስራ ላይ የሚያጋጥሙ ችግሮችን ለመፍታት ለወንጀል መርማሪ ፖሊሶች ስልጠና ተሰጠ


22/10/2019

በኢፌዴሪ ጠቅላይ ዐቃቤ ሕግ የአቃቂ ቃሊቲ ምድብ ፅ/ቤት ለዐቃቤ ሕግ እና ለፓሊስ የወንጀል መርማሪዎች በጋራ ተቀናጅተው ለመስራት በሚያስችሉ ጉዳዮች እና ከምርመራ ጋር በተያያዘ ስልጠና መስጠቱ ተገለጸ፡፡

 

የምክክር መድረኩን የመሩት በጠቅላይ ዐቃቤ ሕግ የአቃቂ ቃሊቲ ምድብ ፅ/ቤት ምክትል ሀላፊ የሆኑት አቶ ሲሳይ ጎአም እንደተናገሩት ጽ/ቤቱ በ 2011 ዓ.ም ጠቅላይ ዐቃቤ ህግ ካሉት ምድብ ፅ/ቤቶች በአንደኝነት የላቀ አፈፃፀም ያመጣ መሆኑን ጠቁመው በ2012 ዓ.ም በጀት ዓመትም አፈፃፀሙን አጠናክሮ ለመቀጠል የሚያስችሉትን ስራዎች ለመስራት ፓሊስና መርማሪዎች ተቀናጅተው በሚሰሩበት ጊዜ እያጋጠሙ ያሉ ችግሮችን በመለየት በክፍለ ከተማው ውስጥ ለሚገኙ መርማሪዎች ቅንጅታዊ አሰራርን በማጠናከር ማስረጃ መር የሆነ የምርመራ ስራን መስራት እንደሚገባና የምርመራ ስራም የሰዎችን የሰብአዊ መብት ባከበረ መልኩ ለማከናወን ስልጠናው አስፈላጊ መሆኑን ተናግረዋል፡፡

 

አቶ ሲሳይ ጎአም አያይዘው በክፍለ ከተማው ፓሊስና ዐቃቤ ሕግ የምርመራ ስራን በጋራ መስራት በፍትህ ሥርዓቱ ላይ ከፍተኛ ለውጥ ለማምጣት የፓሊስና የዐቃቤ ሕግ ተቋም ሰራተኞች በውይይትና በመነጋገር የሚስተዋሉ ችግሮችን በመቅረፍ በቀጣይ የተሻለ አገልግሎት ለህብረተሰቡ መስጠት እንደሚገባ ተናግረው ለምርመራ ስራ በተገቢውን ትኩረት በመስጠት በህግ በተቀመጠው አግባብ ማከናወን ያለበት መሆኑን፣ የምርመራ ሳይንስንም ሆነ ያለውን የሰው ሀይልና የቴክኖሎጂ አቅምን በመጠቀም የወንጀል ምርመራ ስራን በማሻሻል የምርመራና የፀጥታ አካላት ህዝብን በአገልጋይነትና በተነሳሽነት ስሜት ማገልገል ይገባል ሲሉ ተናግረዋል፡፡

 

የክፍለ ከተማው ፓሊስ መመሪያ የወንጀል ምርመራ ክፍል ኃላፊ የሆኑት ረዳት ኢንስፔክተር አቶ ተዘራ በበኩላቸው ምድብ ጽ/ቤቱ በምርመራ ስራ ላይ እያጋጠሙ ያሉ ችግሮችን በመለየት በቀጣይ እንዳይደገሙ በሚል ውይይት እንዲደረግ ማድረጉን አመስግነው በቀጣይ ለጋራ ስራችን ውጤታማነት ሊረዱ የሚችሉ ውይይቶች ቢዘጋጁ ለስራቸው ጠቀሜታ እንዳለው አመልክተው በምርመራ ስራ ላይ የሚያጋጥሙ ችግሮችን በፍጥነት መቅረፍ ለፍትህ ስርዓቱ መጠናከር ከፍተኛ አስተዋፅኦ አለው ብለዋል፡፡

 

በውይይቱ የመጀመሪያ ዙር ተሳታፊዎች በሰጡት አስተያየት በስፋት በምርመራ ስራ ላይ የሚያጋጥሙ ችግሮች በመነጋገር፣ ቅንጅታዊ አሰራሩን ይበልጥ በማጠናከርና በትኩረትና በተነሳሽነት ለመስራት ውይይቱ አስፈላጊ መሆኑን የተናገሩ ሲሆን ስልጠናው በየደረጃው ላሉ የፍትህ አካለት እንደሚሰጥ ያገኘነው መረጃ ይጠቁማል፡፡


  • 73002098_2547653138662088_3940538498720727040_o.jpg