Search

በግብረ አበርነት የውንብድና የግድያ ወንጀል የፈፀሙት ተከሳሾች በእድሜ ልክ ጽኑ በእስራት ተቀጡ


26/10/2019

በኮልፌ ቀራኒዮ ክፍል ከተማ ወረዳ 07 ቤቴል ሆስፒታል አካባቢ በሚኒባስ አሽከርካሪ እና እረዳቱ ላይ ከባድ የውንብድና ግድያ ወንጀል የፈፀሙት ሦስት ተከሳሾች ዐቃቤ ሕግ በመሰረተው 2 ክስ በጽኑ እስራት ተቀጡ፡፡

 

የክስ መዝገቡ እንደሚያስረዳው 1ኛ ተከሳሽ መሐመድ ሙኒር የወንጀል ሕግ አንቀጽ 32(1) (ሀ) እና 671(2) በመተላለፍ፣ 2ኛ ተከሳሽ አምሩ ሙኒር እና 3ኛ ተከሳሽ ሸምሱ ሰኢድ የወንጀል ሕግ አንቀጽ 32(1)(ሀ)፣(ለ) እና 539(1) (ሐ) ስር የተመለከተዉን ድንጋጌ በመተላለፍ በ1ኛ ክስ ተከሳሾች ተገቢ ያልሆነ ብልፅግና ለማግኘት በማሳብ ነሃሴ 14 ቀን 2007 ዓ.ም ከምሸቱ 2 ሰዓት ከላይ በተጠቀሰው ክፍለ ከተማና ቦታ ንብረትነቱ የአቶ ተሾመ የሆነውን ሚኒባስ ተሸከርካሪ ለመውስድ በማሰብ የታመመ ሰው ሆስፒታል አድርስልን በማለት ከአሽከርካሪው ጋር በዋጋ ተስማምተው ተሸከርካሪው ውስጥ በመግባት ወደ ጨለማ አካባቢ አንዲገባ በማድረግ በጉዞ ላይ እያሉ በያዙት የጨርቅ ገመድ 3ኛ ተከሳሽ ሹፌሩን አንቆ በመግደል ከወንበር ሲያነሳው 1ኛ ተከሳሽ ተሸከርካሪውን በተለምዶ አሽዋ ሜዳ ተብሎ ወደ ሚጠራው አቅጣጫ በመውሰድ የሟችን አስከሬን ገፈርሳ ወንዝ ውስጥ ጥለው የተሰወሩ በመሆኑ በዋና ወንጅል አድራጊነት ተካፋይ በመሆን በፈፀሙት ከባድ የውንብድና ወንጀል ተከሰዋል፡፡

 

በ2ኛ ክስ ተከሳሾች በ1ኛ ክስ ላይ የተጠቀሰውን የወንጀል ድርጊት በሚፈፅሙበት ጊዜ የተሸከርካሪውን ረዳት እጅና እግሩን በማሰር የፈፀሙትን ወንጀል እንዳይናገር በማሰብ 2ኛ ተከሳሽ በገመድ አንቆ የገደለው ሲሆን 3ኛ ተከሳሽ የሟችን አስከሬን ወንዝ ውስጥ በመጣል 1ኛ ተከሳሽ በአሽከርካሪነት ወንጀል ፈፀመው የተሰወሩ በመሆኑ በወንጀል አድራጊነትና ተካፋይ በመሆን ከባድ የሰው ግድያ ወንጅል ተከሰው ፍርድ ቤት ቀርበዋል፡፤ ለተከሳሾች ክሱ በችሎት ተነቦላቸው የእምነት ክህደት ቃላቸውን ሲጠየቁ የወንጅል ድርጊቱን አልፈፀምንም በማለት ክደው በመከራከራቸው የዐቃቤ ሕግ ምስክሮች ቃል ተሰምቷል፡፡

ፍርድ ቤቱም የግራ ቀኙን መርምሮ ተከሳሾችን በቀረበባቸው ክስ ጥፋተኛ ብሏቸዋል፡፡

 

የፌዴራል ከፍተኛ ፍርድ ቤት ልደታ ምድብ 20ኛ ወንጀል ችሎት መዝገቡን መርምሮ ከወንጀሉ አፈፃፀም አንፃር እና የተከሳሾችን አደገኝነት ግምት ውስጥ በማስገባት 1ኛ ተከሳሽ የመነሻ ሃሳቡ ባለቤትና ተከሳሾችን ያስተባበረ በመሆኑ በእድሜ ልክ ጽኑ እስራት፣ 2ኛ እና 3ኛ ተከሳሾች እያንዳንዳቸው በ25 ዓመት ጽኑ እስራት እንዲቀጡ ወስኗል:

 


  • 73080131_2558356860925049_539565037610598400_n.jpg