Search

የፍልሰት ፖሊሲ ለማዘጋጀት ቅደመ ዝግጅት መጠናቀቁ ተገለፀ


21/11/2019

የኢፌዴሪ ጠቅላይ ዐቃቤ ህግ ከኢጋድና ከአለም አቀፉ የፍልሰት ፖሊሲ (IOM) ጋር በጋራ በመሆን ያዘጋጁትና በአርባ ምንጭ ሀይሌ ሪዞርት ለሶስት ቀናት ሲሰጥ የቆየው የተሞክሮ ልውውጥና ስልጠና አገራችን ለምታዘጋጀው የፍልሰት ፖሊሲ የሚያግዙ ተሞክሮዎችና ግብአቶችን ያገኙበት መሆኑን በመድረኩ የተሳተፉ የኮሚቴ አባላትና ሌሎች ባለድርሻ አካላት ገልፀዋል።

 

አባላቱ አያይዘው ፖሊሲውን በማዘጋጀት ሂደት ምቹ መደላድል እንደሚፈጥርላቸው የገለፁ ሲሆን ከፍልሰት ጋር ተይይዞ ያሉትን ችግሮች ለመፍታት ያሰችል ዘንድ ስራውን በቁርጠኝነት ለማከናወንም የቀረቡ ተሞክሮዎችና የአገራት ፖሊሲዎች እንደሚያግዟቸው ተናግረዋል።


የዝግጅቱ የኮሚቴው ሰብሳቢ ወ/ሮ ፈትያ ሰይድ በበኩላቸው የፍልሰት አስተዳደር ፖሊሲን ምን ምን ነገሮችን ሊያካትት ይገባል፣እነ ማን ይሳተፋ እና ሌሎች መሰል መሰረታዊ ጉዳዬችን በዋነኝነት በአህጉራችን አፍሪካ የሚገኙ የኬንያ፣የናይጀሪያና የምስራቅ አፍሪካ በይነ መንግስታት ፣ተሞክሮዎችና የድርጊት መርሀ ግብሮች በሰፊው በመዳሰሳቸው እነዚህን መሰረት አድርገን ከአገራችን ነባራዊ ሁኔታ አንፃር የኛን ችግር ሊፈታ የሚችል የፍልሰት ፖሊሲ ለማዘጋጀት ስልጠናው ከፍተኛ አስተዋፅኦ አለው ሲሉ ተናግረዋል።

 

አያይዘውም የሚዘጋጀው የፍልሰት ፖሊሲ ሰፊ፣ አሳሳቢ የሆነ ጉዳይ የሚይዝ አገራዊ እንደመሆኑ መጠን ከስልጠናው በኋላ በተለይም የየተቋማቸውን ሀላፊነቶች እንዲካተቱ በማድረግና ከሌሎች ፖሊሲዎች ጋር እንዲመጋገቡ በማድረግ ተግባራትን አጣጥሞ ለመስራት የኮሚቴው አባላት ለዚህ ሀላፊነት በቁርጠኝነት በመነሳት ሊሰሩ እንደሚገባ የኮሚቴ ሰብሳቢዋ አበክረው ገልፀዋል።

 

የአገራችን የፍልሰት ፖሊሲን ለማዘጋጀትም በኢፌዲሪ ጠቅላይ ዐቃቤ ህግ ሰብሳቢነት የሚመራ የተለያዩ ባለድርሻ አካላትን ያካተተ ኮሚቴ ተዋቅሮ ወደ ስራ መገባቱ የተገለፀ ሲሆን በእስካሁኑ ሂደትም የአገራችን ፍልሰት የሚያመላክት ጥናት ተካሂዶ የመጀመሪያውን ፍኖተ ካርታ የማዘጋጀት ተግባር መከናወኑንና በቅርቡም የፖሊሲ ሰነድ በማዘጋጀት ለውይይት በማቅረብ የባለ ድርሻ አካላትን ተሳትፎ ለማረጋገጥ ስራዎች እየተሰሩ እንደሚገኝ ሀላፊዋ ተናግረዋል። ለሶስት ቀናት ሲሰጥ የነበረው ስልጠናም ፖሊሲው ሊያተኩርባቸው በሚገባቸው ጉዳዬች ላይ የጋራ መግባባት ላይ በመድረስ በዛሬው እለት ተጠናቋል።


  • 76776543_2607010076059727_5332489115331985408_o.jpg