Search

የኢ.ፌ.ዴ.ሪ ጠቅላይ ዐቃቤ ሕግ በ10 ዓመት ስትራቴጄክ ዕቅድ ላይ ከባለድርሻ አካላት ጋር ውይይት እያካሄደ ነው፡፡

Published: 96 days ago

የኢፌዴሪ ጠቅላይ ዐቃቤ ህግ በ10 ዓመት ስትራቴጄክ ዕቅድ ላይ ከፌዴራልና ከክልል ከተውጣጡ አካላት ጋር በአዲስ አበባ ከተማ ኢሊሌ ሆቴል ውይይት እያካሄደ ነው፡፡

 

በውይይት መድረኩ የመክፈቻ ንግግር ያደረጉት በጠቅላይ ዐቃቤ ህግ ም/ጠ/ዐ/ህግ የሆኑት አቶ አድማሱ አንጎ እንደገለጹት ተቋሙ ራዕዩን ለማሳካት እና በሕግ የተሰጠውን ተግባርና ኃላፊነት ለመወጣት ባለፋት ዓመታት የመካከለኛና አጫጭር ጊዜ ዕቅዶች በማውጣት በርካታ የለውጥ ተግባራት እያከናወነ መቆየቱን አስታውሰዋል፡፡

 

በአሁኑ ወቅት በሃገሪቱ እየተከናወነ ባለው ዘርፈ ብዙ የለውጥ ሂደት እንዲሁም ከህዝብና መንግስት ፍላጎት አንፃር የተቋሙን ተልዕኮ አፈጻፀም በመቃኘት ቀጣይነት ያለው ስር ነቀልና የተሟላ የለውጥ መሠረት የሚሆን በረጅም ጊዜ ማለትም (ከ2013 እስከ 2022) የሚተገበር የ10 ዓመት ተቋማዊ ስትራቴጂ ዕቅድ ማዘጋጀቱ ተገቢ መሆኑን ገልጸው የዚህ መድረክ ዓላማም በእቅዱ ላይ ተወያይቶ ግብአት ማሰባሰብ ነው ሲሉ አቶ አድማሱ ገልጸዋል ፡፡

 

የዕቅድ ዝግጅት አባል የሆኑት በተቋሙ የፍትሓብሄር ፍትህ አስተዳደር ዳይሬክቶሬት ዳይሬክተር አቶ ምስክር ታሪኩ እና የወንጀል ጠቋሚዎችና የምስክሮች ጥበቃ ዳይሬክቶሬት ዳይሬክተር አቶ ገብሩ ገበየሁ የተዘጋጀውን ስትራቴጂክ ዕቅድ በዝርዝር ለመድረኩ ያቀረቡ ሲሆን እቅዱ የተቋሙን ተልዕኮ ለማሳካት በሚያስችሉ ስትራቴጂያዊ የትኩረት መስኮች ላይ በማተኮር የሰው ኃይሉን እና በጀቱን በአግባቡ አሰማርቶ ውጤታማ ስራ እንዲሰራ ለማስቻል የተዘጋጀ እንደሆነም ገልጸዋል፡፡

 

በመድረኩም በእቅዱ ላይ ውይይት ከተደረገ በኋላ ለስትራቴጅክ እቅዱ እንዲሁም ለተቋሙ የ10 አመት ጉዙ የፍትህ ሪፎርሙን ለማስቀጠል ግብአቶች ይሰባሰባሉ ተብሎ ይጠበቃል፡፡


###

81106872_2702285526532181_2613604989662134272_n.jpg